HomeMumbaiமாப்பிளை வீட்டாருக்கு மோசமான செய்திகளை அனுப்பியதால் திருமணம் நிறுத்தப்பட்டது

மாப்பிளை வீட்டாருக்கு மோசமான செய்திகளை அனுப்பியதால் திருமணம் நிறுத்தப்பட்டது

ஒரு பெண்ணின் சமூக ஊடக கணக்குகளை ஹேக் செய்து அவரது ஆண் நண்பர்களுக்கு ஆபாசமான செய்திகளை மற்றும் சாட்டிங் ஸ்கிரீன் ஷாட்களை பரப்பியதற்காக தெரியாத நபர் மீது ஜோகேஸ்வரி போலீசார் வழக்கு பதிவு செய்துள்ளனர். அந்த நபர் ஸ்கிரீன் ஷாட்களை அனுப்பியதை அடுத்து, 31 வயதான பெண்ணின் திருமணம் மணமகன் மற்றும் அவரது குடும்பத்தினரால் நிறுத்தப்பட்டது. அவரது திருமணம் நிறுத்தப்பட வேண்டும் என்பதற்காகவே, குற்றம் சாட்டப்பட்டவர் வேண்டுமென்றே இதைச் செய்ததாக போலீஸார் தெரிவித்தனர்.

குற்றம் சாட்டப்பட்டவர் ஒரு ஹேக்கரின் உதவியைப் பெற்று பெண்ணின் சமூக ஊடக கணக்குகளில் நுழைந்ததாக போலீசார் தெரிவித்தனர். அந்த பெண் சமூக வலைதளங்களில் ஆக்டிவாக இருக்கவில்லை என்றதால் அவரது நண்பர்கள் சிலர் செய்திகளைப் புறக்கணித்ததாகவும், சிலர் மார்ச் மாதம் நடுப்பகுதியில் அதைப் பற்றி அவளிடம் கூறியதாகவும் காவல்துறை கூறியது. பெண்ணின் வருங்கால கணவர் அந்த நேரத்தில் செய்திகளை காரணம் சொல்லி அவர்களது திருமணத்தை நிறுத்தினார்.

பின்னர் அந்த பெண் தனது பேஸ்புக் மற்றும் இன்ஸ்டாகிராம் கணக்குகளை சரிபார்த்து, அவர்களிடமிருந்து அனுப்பப்பட்ட மோசமான செய்திகளைப் பார்த்தார். சில செய்திகள் வாட்ஸ்அப்பிலும் பரப்பப்பட்டதாக அவளுடைய நண்பர்கள் சொன்னார்கள். இதையடுத்து ஜோகேஸ்வரி போலீசில் புகார் அளித்தார்.

அந்த பெண் தனது அறிக்கையில் சொன்னது “இந்த ஆண்டு ஜனவரி 8 ஆம் தேதி எனது பேஸ்புக் கணக்கு ஹேக் செய்யப்பட்டது, நான் சோதித்தபோது நான் செய்யாத பல சாட்டிங்கை கண்டேன். யாரோ ஒருவர்  எனக்குத் தெரியாமல் செய்யப்பட்ட எனது புகைப்படங்களையும் வீடியோக்களையும் பதிவேற்றியிருந்தார். ஏப்ரலில் நடக்கவிருந்த எனது திருமணம் வைரலான சாட்டிங் காரணமாக நிறுத்தப்பட்டது. என் வாழ்க்கை பாழாகிவிட்டது.” சில மாதங்களுக்கு முன்பு தன்னிடம் காதலை சொன்ன சக ஊழியர் இந்த செயலுக்கு பின்னணியில் இருப்பதாக புகார்தாரர் சந்தேகிக்கிறார் என்று போலீசார் தெரிவித்தனர். அன்றிலிருந்து அவர்கள் ஒருவருக்கொருவர் பேசுவதை நிறுத்திவிட்டனர்.

ஜோகேஸ்வரி காவல் நிலையத்தின் மூத்த ஆய்வாளர் பாலாசாஹேப் தம்பே செய்தியாளர்களிடம் பேசியது, “பெண்ணின் ஃபேஸ்புக் மற்றும் இன்ஸ்டாகிராம் கணக்குகளை ஹேக் செய்து சாட்டிங்கை வைரலாக்கியதாக அறியப்படாத ஹேக்கர் மீது வழக்குப் பதிவு செய்துள்ளோம். ஹேக்கர் தனது வருங்கால கணவருக்கு சாட்டிங்கின் ஸ்கிரீன் ஷாட்களையும் அனுப்பினார், இதனால் அவரது திருமணம் நிறுத்தப்பட்டது. குற்றம் சாட்டப்பட்டவரைப் பிடிக்க சைபர் குழுவின் உதவியைப் பெற்று வருகிறோம். குற்றம் சாட்டப்பட்டவர் ஒரு ஹேக்கரை பயன்படுத்திருக்கெல்லாம் மற்றும் அவரது திருமணத்தை வேண்டுமென்றே நிறுத்துவதற்காக அவரது கணக்குகளை ஹேக் செய்தார் என்று நாங்கள் நினைக்கிறோம்.

RELATED ARTICLES

LEAVE A REPLY

Please enter your comment!
Please enter your name here

- Advertisment -
17,483FansLike
945FollowersFollow
4,113SubscribersSubscribe

Most Popular

You cannot copy content of this page